A Semana Santa de Ferrol é o conxunto de actos en conmemoración da Paixón de Cristo que se celebran na cidade de Ferrol. No ano 2014 recibiu a distinción de Festa de Interese Turístico Internacional. Desde o ano 1995, xa estaba considerada como Festa de interese turístico nacional.
Dá comezo o Domingo de Ramos e finaliza o Domingo de Resurrección. Durante todos os días comprendidos entre ambos, saen á rúa un total de vinte e cinco procesións, organizadas polas cinco confrarías con sede na cidade. Os días máis destacados son o Mércores, Xoves e Venres Santo, nos que miles de persoas dispóñense ao longo das rúas dos barrios de Esteiro e A Magdalena para contemplar os maiores e máis vistosos desfiles procesionais de toda a Semana Santa na cidade.