Praia da Lanzada

A praia da Lanzada é un dos areais galegos máis coñecidos. Pertencente a parroquia San Vicente do Grove, está situada no tramo de costa entre os concellos de Sanxenxo e O Grove.

É unha praia aberta con máis de 2 km de lonxitude. Ten concedida a Bandeira Azul e dispón de multitude de servizos.

Localmente dánselle nomes aos seus tramos. A partir da punta da Lanzada, no sur, está Area Gorda; a continuación do illote do Outeiriño ou punta Lapa chámase a praia de Lapa e por último está a praia da Lanzada propiamente dita.

Nas proximidades atópanse a Torre da Lanzada, o Castro da Lanzada e a ermida da Nosa Señora da Lanzada, todos eles xa en terreos do concello de Sanxenxo.