Monte Pindo

monte Pindo é un macizo granítico de 627 metros de altura que se atopa no concello coruñés de Carnota. O monte Pindo tamén se coñece como “O Olimpo Celta”, e forma un espazo natural xunto coa praia de Carnota, o espazo natural Carnota – Monte Pindo, catalogado coma Lugar de Importancia Comunitaria e que se atopa incluído na Rede Natura 2000. O espazo ten unha superficie de 4.629 ha. A particular xeomorfoloxía do monte Pindo, inzada de relevos en bolos de granito, inspirou gran cantidade de historias e lendas de deidades, esculturas, ou monstros e xigantes míticos. Atopáronse nel numerosos restos arqueolóxicos, coma petróglifos, útiles de bronce e restos dunha suposta antiga ermida. O Monte Pindo componse principalmente de granito rosa cuxo cumio (chamado A Moa) acada os 627 metros de altura. Na súa contorna atópanse a praia de Carnota, a máis longa de Galiza e a fervenza do Xallas no Ézaro, único lugar de Europa onde un río cae en fervenza directamente sobre as augas do mar, aínda que reducida por mor do encoramento das augas do río Xallas en Dumbría.

A Cova dá Xoana

É unha cova que resulta de difícil acceso. Ten tras de si unha lenda. Dise que nesta cova facíanse aquelarres durante a noite de San Xoan e que as bruxas partían voando desde as súas escobas para percorrer o lugar. E outra variedade da lenda fala de que moita xente acudía a esta cova en busca de remedios para males como o de aires de espíritos. Tamén se di que foi unha cova de “mouras”, e nela atopáronse lápidas que poden evidenciar a existencia de cultos máxicos propios da antiga relixión céltica.