A “Penas de Rodas” son dúas enormes pedras de granito, case perfectamente esféricas, asentadas só sobre bases moi pequenas, que parecen estar a piques de caer rodando, o que impresiona bastante ao achegarse a elas.
O nome de “Penas de Rodas” “Pedras dos Círculos” débese á localización natural no lugar de dous moles graníticas (birlos de disxunción), que desde o seu elevado emprazamento (619 m.) dominan unha ampla panorámica da penillanura da “Terra Chá” de gran valor agropecuario. Situadas no monte, no medio dun piñeiral, é un lugar propicio para o descanso e o lecer.
Cóntanse varias lendas sobre o lugar que fan referencia ás grandes pedras de forma redondeada case perfecta: unha delas conta que unha das dúas pedras está chea de alcatrán e se rompese, alagaríase toda a zona.
A outra comenta que unha das pedras está chea de ouro, e o que lograse rompela atoparíao e faríase rico.
No lugar celébrase a concorrida romaría de Penas de Rodas, o domingo anterior ao 12 de agosto.